1.6K
“Emye Ethiopia” የተባለ የቲውተር ገጽ “የወሎ ህዝብን መከራ እየደረሰበት እንደሆነ የሚያሳይ ምስል…” በሚል ከላይ የሚታየውን መረጃ ከአንድ ምስል ጋር አጋርቷል።
ሐሰት ፡ ይህ ምስል በወቅታዊው ጦርነት ምክንያት በወሎ ችግር የደረሰባቸውን ዜጎች አያመለክትም
ምስሉ እ.ኤ.አ በ 2000 በሶማሌ ክልል የተነሳ ነው
“Emye Ethiopia” የተባለ የቲውተር ገጽ “የወሎ ህዝብን መከራ እየደረሰበት እንደሆነ የሚያሳይ ምስል…” በሚል ከላይ የሚታየውን መረጃ ከአንድ ምስል ጋር አጋርቷል።
በሌላ በኩል “Suleiman Abdella” የተባለ ግለሰብም ከ 84 ሺ 500 በላይ ተከታዮች ባሉት የቲውተር ገጹ በመስከረም 3፣ 2014 ዓ/ም “የትግራይ አማጽያን ከ 1 ሚሊየን በላይ ሰዎችን ከወሎ አፈናቅለዋል ፡ ሴቶች እና ህጻናት ለህይወታቸው አስጊ በሆነ መልኩ በጫካ ይገኛሉ ረሃብ እንዳይከሰት አስቸኳይ የሰብአዊ ድጋፍ ያስፈልጋል” ከሚል ማብራሪያ ጋር ይሄንን ምስል ከሌላ ተጨማሪ ፎቶ ጋር አያይዞ አጋርቷል።
አዲስ ሚዲያ በሃቅ ማንጠሪያ ክፍሉ በኩል ከመረጃው ጋር በተያያዘው ምስል ላይ የማጣራት ስራ ያደረገ ሲሆን በዚህም ምስሉ በአሁን ሰአት በሰሜን ኢትዮጵያ ካለው ጦርነት እና ጦርነቱን ተከትሎ እየደረሰ ያለውን የሰብአዊ ቀውስ የሚያመላክት አለመሆኑን አረጋግጧል።
Google reverse image search
የምስል ሽያጭ እና ክምችት ድረገጽ የሆነው “Alamy” ምስሉ መቼ ፣ የት እና በማን ተነሳ የሚለውን ትክክለኛ መረጃ ያስቀመጠ ሲሆን በዚህም መሰረት ምስሉ ከአዲስ አበባ በደቡባዊ ምስራቅ አቅጣጫ 600 ኪሎ ሜትር ርቃ በኦጋዴን አውራጃ በምትገኘው የ”ዳናን” መንደር ከ 21 አመታት በፊት ሚያዝያ 1 ቀን 1992 ዓ.ም (እ.ኤ.አ ሚያዝያ 9 ቀን 2000 ዓ.ም) ስሙ ባልተገለጸ የሮይተርስ ፎቶ አንሺ የተነሳ መሆኑን አረጋግጧል።
